بەينەجەتوندى پوليتسەيلەرگە قوستاناي وبلىستىق ىشكى ىستەر دەپارتامەنتى جەرگىلىكتى پوليتسيا قىزمەتى باستىعىنىڭ ورىنباسارى قۇرمەت ماجىكەنوۆ تابىس ەتتى. ول بەينەجەتون پوليتسەيلەردى دە, جول قوزعالىسىنا قاتىسۋشىلاردى دا تارتىپكە داعدىلاندىراتىنىن ايتتى. ەگەر جول ۇستىندە داۋلى ماسەلە تۋىنداي قالسا, قوستاناي وبلىستىق ىشكى ىستەر دەپارتامەنتىنىڭ جەرگىلىكتى پوليتسيا قىزمەتىنە ارىز بەرىپ, جەتونداعى بەينەجازۋدى قاراۋعا بولادى. سەرۆەردە اۆتوماتتى تۇردە جازىلعان بەينەجازۋ ەكى-ءۇش جىلعا دەيىن ساقتالادى.
بەينەجەتوندى تاعىپ جۇرگەن پوليتسەي ونىڭ جازۋىن قاداعالاي المايدى, قىسقاسى ەشقانداي وزگەرىس ەنگىزۋگە مۇمكىندىگى قالمايدى. جەتوندى العاش پاترۋلدە پايدالانعان اعا سەرجانت اسەت بايتاسوۆ ونىڭ جۇمىسقا وتە قولايلى, تيىمدىلىگىن ايتتى. «جاڭا تەحنيكانىڭ ارقاسىندا جۇمىس جەڭىلدەدى. بەينە تاسپا قۇقىق بۇزۋشىلاردىڭ قىلىعىن تاپ باستىرماي دالەلدەۋگە كومەكتەسەدى.ءبىزدىڭ قولىمىزدان بەينەجەتوندى بايقاعان ولار دا وزدەرىن پوليتسەي الدىندا سىپايى ۇستاۋعا تىرىسادى» دەدى اسەت بايتاسوۆ.
«تۇندە جول قوزعالىسىن بۇزاتىندار, اسىرەسە, رۋلگە ىشىمدىك ءىشىپ الىپ وتىراتىندار ءجيى كەزدەسەدى.ولارمەن داۋلى ماسەلەلەر تۋىنداعاندا ەش قيىندىقسىز دالەلدەپ شىعامىز» دەدى پوليتسيانىڭ جول-پاترۋلدىك باتالونىنىڭ اعا سەرجانتى جاقسىلىق مۇحامەدياروۆ.
ءنازيرا جارىمبەتوۆا, «ەگەمەن قازاقستان»
